धरान, मंसिर २२ – राष्ट्रिय पोषण कार्यक्रमअन्तर्गत धरान उपमहानगरपालिका वडा नं. १४ मा भिटामिन ‘ए’ र जुकाको औषधि खुवाउने अभियान सञ्चालन भएको छ।
कार्यक्रम अन्तर्गत ६ महिना देखि ५ वर्ष मुनिका बालबालिकालाई भिटामिन ‘ए’ क्याप्सुल र जुकाको औषधि खुवाइँदैछ। वडा स्वास्थ्य शाखाका अनुसार बालबालिकाको पोषण स्तर सुधार तथा रोग प्रतिरोधात्मक क्षमता बढाउन अभियान सञ्चालन गरिएको हो।
वडा नं. १४ का स्वास्थ्यकर्मीहरूले आम अभिभावकहरूलाई आफ्ना बालबालिकालाई समयमा नै औषधि खुवाउन आग्रह गरेका छन्।
“बालबालिकाको स्वास्थ्य हाम्रो पहिलो प्राथमिकता हो। प्रत्येक घरपरिवारले यो अभियानमा सक्रिय सहभागिता जनाउनु आवश्यक छ,” वडा स्वास्थ्य शाखाका एक कर्मचारीले बताउनुभयो।
स्वास्थ्य विज्ञहरूका अनुसार भिटामिन ‘ए’ ले दृष्टि सुधार्न तथा जुकाको औषधिले बालबालिकामा पेटका रोग र कुपोषणबाट जोगाउन मद्दत गर्छ।
📸 फोटो: वडा नं. १४ मा अभिभावकहरू बालबालिकासहित भिटामिन ‘ए’ र जुकाको औषधि खुवाउने अभियानमा सहभागी हुँदै।
